اطمن الله يتحدث لك بقصص أنبياؤه
سرد قصص الأنبياء و الرسل مش بس عبره و تاريخ ربنا بيعرفنا عليه
امنية الهوارى
11/9/20231 دقيقة قراءة
اطمن الله يتحدث لك بقصص أنبياؤه ....
من إبداع الله العليم و لطفه بعباده عبر الزمان أنه جمع لنا في القرآن كل قصص الرسل و ابتلاءاتهم و لحد هنا ممكن نقول تمام ربنا بيعرفنا على التاريخ .
و كثير كنت بسأل نفسي هل في أسباب تانية لذكر قصصهم ؟
لحد ما لاقتني و بحكم شغلتي إني بسمع قصص الناس أصبحت أتذكر قصص الأنبياء و استشهد بها
ففهمت أن سرد قصص الأنبياء و الرسل مش بس عبره و تاريخ ربنا بيعرفنا عليه ،
دا في الحقيقة قصصنا كلنا بكل اختلافاتنا فيها تشابهات من قصص أنبيائنا او على الأقل في المشقات و البلاءات و اللي أصبحنا كلنا بنتصبر و بنطمن بكلام ربنا لرسله و حواراته معاهم اللي كان بيطمن بيه رسله و يشد من أزرهم و يرشدهم أحياناً ، أصبحنا حالياًِ بنطمن نفسنا بكلام ربنا دا و كأنه يتحدث لكل حد فينا و هو يواجه مشقات حياته و بلاءاته.
فاكتشفت لطف ربنا بينا و عنايته التامة و أنه عملنا نظام دعم و إرشاد من قبل ما نقع في أي مشقات.
و بكدا يكونوا رسلنا عبرة و قدوة لنا تأكدلنا فعلاََ إن القرآن الكتاب الوحيد الصالح لكل زمان و مكان.
لكن طبعا مش هيفهم هذه المعاني و يحسها إلا من آمن بالغيب و الكتب و الرسل و الملائكة و عمل الصالحات فأولئك هم المهتدون .
مهتدون لأنهم على النهج الرباني، مهتدون بإيمانهم بالله ، مهتدون باسترشادهم بقصص رسلهم، و الاعتبار بها.
فإيه يطمنك أكتر من أن ربنا يكلمك بكلمات نثبتك و تطمنك في صعاب الحياة كما ثبت رسله